-ಶಾಶ್ವತತೆಯ ಅಂಚು-

ಕೋಣೆಯ ಎಲ್ಲಾ ಭಾಗಗಳಲ್ಲಿ ಹುಡುಕುತಿಹೆನು
ಗೊಂದಲದ ಆಶಾಭಾವದಲ್ಲಿ
ಅವಳ ಸುಳಿವು ಗೋಚರಿಸಲಿಲ್ಲ\\

ಒಮ್ಮೆ ಕಳೆದು ಹೋದದ್ದು
ಮತ್ತೆಂದೂ ಸಿಗದಿಲ್ಲಿ
ಅಂತಹ ಚಿಕ್ಕ ಮನೆ ನನ್ನದು\\

ನಿನ್ನ ಹೃದಯದ ಬಾಗಿಲಿನಲ್ಲಿ ನಿಂತಿಹೆನು
ಅವಳಿಗಾಗಿ ಬೇಡುತ್ತಾ
ನೀನೋ ಅಮಿತ ಭುವನದ ಒಡೆಯನೆಂದು\\

ನಿಂತಿಹೆನು ನಿಂತಿಹೆನು ಕಾಯುತ್ತಾ
ಸಂಜೆಯಾಕಾಶದ ಬಂಗಾರದ ಮೇಲ್ಚಾವಣೆಯ ಕೆಳಗೆ
ತಲೆಯೆತ್ತಿ ನಿನ್ನ ಕಡೆ ನೋಡುತಿಹೆನು ಆಸೆಯ ಕಣ್ಣುಗಳಿಂದ\\

ನಾನೀಗ ಶಾಶ್ವತತೆಯ ಅಂಚಿಗೆ ಬಂದು ನಿಂತಿದ್ದೇನೆ
ಯಾವುದೂ ನಶಿಸಲಾರದಿಲ್ಲಿ
ಆಶಾಭಾವನೆಯಿಲ್ಲ
ಸಂತೋಷವಿಲ್ಲ
ಕಣ್ಣೀರಿನ ಕಂಗಳಲ್ಲಿ ಯಾವ ದೂರದ ದೃಷ್ಟಿಯುಯಿಲ್ಲ\\

ಓ ಬರಡಾದ ಈ ಜೀವನವು ಸಮುದ್ರದಲ್ಲಿ ಮುಳುಗಲಿ
ಮುಳುಗಲಿ ಪೂರ್ಣತೆಯ ಆಳದಲ್ಲಿ
ಕಳೆದುಹೋದ ಸಿಹಿಯನ್ನೊಮ್ಮೆ ಅನುಭವಿಸುತ್ತೇನೆ
ಈ ಸಮಾನತೆಯ ಜಗದಲ್ಲಿ\\

ಪ್ರೇರಣೆ:"Brick of Eternity" by Rabindranath Tagore